| گـَل ائشیت نِئی‌دن، شکایت ائیله‌ایر |
|
آیریْلیق‌لاردان حکایت ائیله‌ایر |
| تا قامیْشلیق‌دان اؤزولدو الفتیم |
|
آغلادیْب دؤنیانیْ سوْنسوز محنتیم |
| هجردن یانمیْش اؤرک‌دیر ایسته‌ایم |
|
اشتیاقیْن آغریْسین، تا سؤیله‌ایم |
| اؤز کؤکوندن کیمسه کیم دؤشدو اوزاق |
|
آختارار بیرلشمه‌یه داییم یاراق |
| جمع‌لرده آه و نالم سالدیْ ایز |
|
موتلو هم موتسوزلا اوْلدوم دیز به دیز |
| یار اوْلور هرکس منه بیر ظنّ ایلن |
|
یوْخ ایشی سینه‌مده اوْدلو سیررینن |
| لیک نالم‌دن دگیل سیْرریم اوزاق |
|
گؤرمه‌مزلیک گؤزلره اوْلموش دوزاق |
| تن روان‌دان جان‌دا تن‌دن آیریْ یوْخ |
|
گؤرمه‌یه جانی بو جیسمین اذنی یوْخ |
| نئی‌ده‌کی ناله دگیل یئل، اوْددور اوْد |
|
بو اوْدا اوْدلانمایان جندک‌دی خوْد |
| نئی‌ده‌کی اوْد مئی‌ده‌کی قایناقدیْر عشق |
|
عشق دورغون‌لوق دگیل اوْیناق‌دیْر عشق |
| نئیدی یاردان آیریْلانلار همدمی |
|
نئیدی ییْرتان ناله‌سی ایلن پرده‌نی |
| نئی‌کیمی دردی، دوانیْ کیم گؤرؤب |
|
نئی‌ده‌کی سیزقیْن نوانی کیم گؤرؤب |
| قانلیْ یوْل‌لاردان آچیْر سؤز اوْدلو نئی |
|
اوْدلانانلاردان آچیْر سؤز اوْدلو نئی |
| بوردا هوش تاپماق باییْلماق‌دیر گؤزل |
|
مست‌لیک ایچره آییْلماق‌دیر گؤزل |
| غصه‌میزدن قرنلر قالدیْ ملر |
|
سوزونان بیرلشدی آیلار هفته‌لر |
| گؤنلریم گئچدی قوْی اؤتسؤن عیبی یوْخ |
|
قال‌گیْنان سن ائی‌کی سندن غیری یوْخ |
| گؤن قاراتدیْ عشق‌دن پایسیْز یقین |
|
یانقیْ‌سی سؤندوْ بالیْق‌دان غیری‌نین |
| پیش‌می‌شین حالیْن گؤزل خام آنلاماز |
|
قیْسسا گل خامیْ یئتیش‌میش دانلاماز |
.JPG)
تبادل لینک هوشمند 